Palaa listaukseen

Soti piäjá káárvuid oohtân – Maht nubástusâst tahhoo máhđulâšvuotâ?

Puohháid ávus savâstâllâmtilálâšvuotâ sosiaal- já tiervâsvuođâpalvâlusâi šiev puátteevuođâ amnâsijn. Tääl tarbâšep eidu Tuu áinoošlajâsii uáinu!

Maht palvâlusah kolgâččii toimâđ Tuu teikâ tuu aldasii uáinust? Moh palvâlusâid kalgeh leđe pääihist, päikkisiijdâst, päikkikieldâst, maid puávtáh viežžâđ olgoláá-uv? Palvâlusah poolvân já riggei oolâ – uhke vâi máhđulâšvuotâ? Iäláččih-uv viermivuástáväldimist? Mii tuáimá pyereest, moos tarbâšuvvoo nubástus? Kolgâččij-uv tuostâđ keččâliđ maidnii aaibâs uđđâ? Maid meerhâš palvâlusâi integraatio keevâtlii elimist? Moos ruuđah pijssájeh? Maht kolgâččij orniđ sämikielâlij palvâlusâid? Maht finnip ässeeh já palvâlusâi kevtteeh fáárun suunâttâlmân? Maid Tun jieš teikâ mij oovtâst pyehtip porgâđ mii pyereestvaijeem oovdân? Mii smietâttit, mii lii tehálâš?
Puáđi fáárun já sáárnu jieš jieijâs peeleest! Já kuulâ maid iäráseh fáádást smiettih.

• Aanaar, ma 30.8.2016 tme 17.00 -19.30, Kieldâvirgádâh Piiskuntie 2, káidusohtâvuotâ Ucjuuhân, Sajosân, Čevetjáávrán já Vuáčun.
• Suáđigil, ko 31.8.2016 tme 17.00 – 19.30, Kieldâvirgádâh Jäämerentie 1

Káhvástâllâm Tiervâpuáttim!

Lasetiäđuh:
Aanaar, sosiaal – já tiervâsvuođâhovdâ Mari Palolahti 040 522 1214
Ucjuuhâ, kieldâhovdâ Vuokko Tieva – Niityvuopio, 0400 933 754
Suáđigil, vuáđutorvohovdâ Harri Tiuraniemi, 040 564 4988
Káidusohtâvuođah, haldâttâhhovdâ Pia Ruotsala, 040 726 2688

Aanaar kieldâ, Ucjuv kieldâ, Suáđigil kieldâ, Laapi lito Lapin Sote-Savotta -proojeekt já Laapi pyecceitipšompirrâdâh